သန့်ရှင်းသောဝိညာဉ်တော်သည် အခြေခံသဘောတရားအရ အလုပ်လုပ်သည်

ဆုတောင်း, ယုံကြည်ခြင်း, ဝိညာဉ်တော်, သက်သေခံချက်, အသက်

ကင်ရှပ်တင်၊ ရှန်ဒေါင်စီရင်စု

အချိန်အတော်ကြာသည်အထိ၊ ဘုရားသခင်၏ နှုတ်ကပတ်တော်များအား ကျွန်မဖတ်သည့်အချိန်တိုင်း၊ ကျွန်မသည် အလင်းကို မခံစားရပေ။ ကျွန်မမှာ ထိုအကြောင်းအရာအတွက် အလေးအနက်ပြန်လှန်သုံးသပ် ခဲ့ခြင်းမရှိ ့သော်လည်း ဘုရားသခင်အား ဆက်လက်၍သာ ဆုတောင်းနေခဲ့ပြီး၊ သူ့အား ကျွန်မကို ဉာဏ်အလင်းပေးဖို့ရန် တောင်းလျှောက်နေခဲ့သည်။ သို့သော်လည်း ထို့နောက် ဘုရားသခင်၏ နှုတ်ကပတ်တော်များကို ကျွန်မဖတ်ရှုသော အချိန်တွင်၊ ကျွန်မထံ၌ ဉာဏ်အလင်း ရရှိခြင်း မရှိသေးပေ။ ထို့ကြောင့် ကျွန်မသည် “ဘုရားသခင်အတွက် လူသားတစ်ဦးစီတိုင်းအား ဉာဏ်အလင်းပေးသော အချိန်ရှိသည်၊ ထို့ကြောင့် ၎င်းကို အလောတကြီး ကြိုးစားလုပ်ဆောင်ရာတွင် အသုံးမဝင်” ဟုတွေးတော မိခဲ့သည်။ ထို့နောက်၊ အဆောတလျင်မပြုပဲ ဖြည်းဖြည်းချင်း ဘုရားသခင်၏ နှုတ်ကပတ်တော်များကို ဖတ်ရှုပြီး၊ စိတ်ရှည်စွာဖြင့် ဘုရားသခင်၏ ဉာဏ်အလင်းပေးခြင်းကို စောင့်ဆိုင်းနေခဲ့သည်။Read More »

ဘုရားသခင်၏ ချစ်ခြင်းမေတ္တာသည် ကျွန်မကို နာမကျန်းဖြစ်ခြင်း စမ်းသပ်မှုတစ်လျှောက် လမ်းပြတော်မူခဲ့သည်

ကယ်တင်ခြင်း, ခရစ်ယာန်, အသက်, ဆုတောင်း,

ရီမင်း ဟူးဘေးပြည်နယ်

သခင်နှင့် ပြန်လည်ဆုံစည်းရသည်ကို ကျွန်မ ဝမ်းမြောက်သည်

ယခုနှစ်တွင် ကျွန်မ ၇၈ နှစ်ရှိပြီ ဖြစ်သည်၊ ပြီးလျှင် ကျွန်မသည် အမြဲတမ်း ခေါင်းကိုက်ခြင်းနှင့် ဆီးချိုရောဂါ ဝေဒနာတို့ကို ခံစားခဲ့ရပါသည်။ ၂၀၀၅ ခုနှစ်တွင် သခင့်ကို စတင် ယုံကြည်ခဲ့ပြီးနောက်၊ နှစ်ပေါင်းများစွာ ဖိစီးခဲ့သည့် နာမကျန်းဖြစ်ခြင်းသည် သက်သာခဲ့သည်၊ ကျွန်မက ဘုရားသခင်၏ ချစ်ခြင်းမေတ္တာကို သိမြင်လာပြီး၊ သခင်ကို ကျွန်မ လှိုက်လှိုက်လှဲလှဲ ကျေးဇူးတင်မိပါသည်။ နောက်နှစ်နှစ်အကြာတွင် ဆွေမျိုးတစ်ယောက်က နောက်ဆုံးသောကာလမှ ဘုရားသခင်၏ အမှုတော်ကို ကျွန်မကို ဟောပြောခဲ့ပြီး သခင်ယေရှုက လူ့ဇာတိခံယူသည့် အနန္တတန်ခိုးရှင်ဘုရားသခင်အဖြစ် ပြန်ကြွလာပြီး ဖြစ်ကြောင်း သူက ပြောခဲ့သည်။ အနန္တတန်ခိုးရှင်ဘုရားသခင်က ယခုအခါတွင် သခင်ယေရှု၏ ရွေးနှုတ်ခြင်းအမှုတော်ဆိုင်ရာ အခြေခံအုတ်မြစ်ပေါ်တွင် ပိုမိုသစ်လွင်သော၊ ပိုမြင့်မားသော အမှုတော်အဆင့်တစ်ခုကို ပြုနေကြောင်းနှင့် အနန္တတန်ခိုးရှင် ဘုရားသခင်သည် လူများကို တရားစီရင်ရန် နှင့် ပြစ်တင်ဆုံးမရန်၊ ကျွန်မတို့ ဖောက်ပြန်ပျက်စီးခြင်းကို သန့်စင်ရန် သမ္မာတရားကို အသုံးပြုနေခဲ့ပြီး၊ ဘုရားသခင်က အဆုံးသတ်တွင် ကယ်တင်ခြင်း ရရှိသူများကို သူ၏ နိုင်ငံတော်ထဲသို့ ဦးဆောင်သွားမည် ဖြစ်ကြောင်းတို့ကို သူက ပြောခဲ့သည်။ ကျွန်မက ထိုသတင်းကို ကြားရသည်မှာ စိတ်လှုပ်ရှားခဲ့ပြီး၊ မိမိဘာသာ “ ငါ့တစ်သက်မှာ သခင့်ကို အမှန်တကယ် ကြိုဆိုရလိမ့်မယ်လို့ တစ်ခါမှ စိတ်မကူးခဲ့ဖူးဘူး။ အနာဂတ်မှာသာ ငါက သူ့နိုင်ငံတော်ထဲကိုဘုရားသခင်ရဲ႕ ဦးဆောင်တာခံရနိုင်တယ်ဆိုရင်၊ အဲဒါက တကယ်ကို အံ့သြစရာကောင်းမှာပဲ” ဟု တွေးမိခဲ့သည်။ ဤအချက်ကိုတွေးရင်းဖြင့် ကျွန်မနှလုံးသားသည် မဖော်ပြနိုင်သည့် ဝမ်းမြောက်ခြင်းဖြင့် ပြည့်နှက်လာခဲ့ပြီး၊ ဘုရားသခင်၏ ချစ်ခြင်းမေတ္တာနှင့် ကယ်တင်ခြင်းတို့အတွက် ကျွန်မ ကျေးဇူးတင်ခဲ့ပါသည်။ ကာလတစ်ခုကြာ ရှာဖွေကာ စုံစမ်းစစ်ဆေးပြီးနောက်တွင် အနန္တတန်ခိုးရှင်ဘုရားသခင်သည် ပြန်ကြွလာသည့် သခင်ယေရှုဖြစ် ကြောင်း ဘုရားသခင်၏ နှုတ်ကပတ်တော်များကို ဖတ်ရှုခြင်းမှ ကျွန်မ သေချာလာခဲ့သည်၊ ထို့နောက်မကြာမီပင် ကျွန်မက အသင်းတော် အသက်တာကို အသက်ရှင်နေထိုင်ပြီး၊ အသင်းတော်အတွင်း၌ ကျွန်မတာဝန်ကို ထမ်းဆောင်ဖို့ လုပ်နိုင်သမျှ အားလုံး လုပ်ဆောင်ခဲ့သည်။Read More »

ညှဉ်းပန်းနှိပ်စက်ခြင်းနှင့် ဆင်းရဲဒုက္ခက ဘုရားသခင်ကို သာ၍ပင် ချစ်စေခဲ့သည်

ခရစ်ယာန်, ဆုတောင်း, နာခံခြင်း, နောက်ဆုံးသောကာလ, ဧဝံဂေလိ

လျူကျန်၊ ရှန်တုံစီရင်စု

ကျွန်မ နာမည် လျူကျန်ဖြစ်ပါသည်။ ကျွန်မ အသက် ၇၈ ရှိပြီဖြစ်ပြီး၊ အနန္တတန်ခိုးရှင် ဘုရားသခင်၏ အသင်းတော်ထဲတွင် ကျွန်မသည် သာမန်ခရစ်ယာန်တစ်ဦးသာ ဖြစ်ပါသည်။ ကျေးလက်တောရွာတစ်ရွာမှ လောကအမြင်တွင် မထူးခြားသော အသက်အရွယ်ကြီးနေသော အမျိုးသမီးတစ်ဦးဖြစ်သူ ကျွန်မကို ရွေးချယ်ခြင်းအတွက် အနန္တတန်ခိုးရှင် ဘုရားသခင်ကို ကျွန်မ ကျေးဇူးတင်ပါသည်။ အနန္တတန်ခိုးရှင် ဘုရားသခင်၏ နောက်ဆုံးသောကာလ အမှုတော်ကို ကျွန်မ လက်ခံပြီးနောက်၊ ဘုရားသခင်ထံ နေ့စဉ် ဆုတောင်းပါသည်။ ဘုရားနှုတ်ကပတ်တော်များ ဖတ်ရွတ်ခြင်းကို နားထောင်ပါသည်။ ဝတ်ပြုစည်းဝေးပွဲများသို့ သွားပြီး၊ ညီအစ်ကို မောင်နှမများနှင့်အတူ မိတ်သဟာယ ပြုပါသည်။ တဖြည်းဖြည်းနှင့် သမ္မာတရားအချို့ကို ကျွန်မ စတင်နားလည်လာပြီး၊ အချို့သော အမှုအရာတို့နှင့်ပတ်သက်၍ ရှင်းလင်းသော သဘောပေါက်ခြင်းတစ်ခု စတင် ရရှိလာခဲ့သည်။ ကျွန်မ ဝမ်းမြောက်မှုနှင့်ပြည့်ဝသည်ဟု ခံစားရပြီး၊ ယခင်က လုံးဝ မတွေ့ကြုံခဲ့ရသည့် ပျော်ရွှင်မှုတစ်ခုဖြင့် ကျွန်မ အသက်ရှင်ခဲ့သည်။ ကျွန်မက အသက်အရွယ်အိုမင်းကာ လမ်းလျှောက်ရ ခက်ခဲသောကြောင့်၊ အသင်းတော် ဝတ်ပြုအစည်းအဝေးများကို တက်ရောက်ဖို့ အိမ်မှ ထွက်မသွားနိုင်ခဲ့ပါ။ ထို့ကြောင့် ကျွန်မကို အလေးထားမှုဖြင့် ညီအစ်ကို မောင်နှမများက ကျွန်မ အိမ်တွင် ဝတ်ပြုအစည်းအဝေးများ ကျင်းပခဲ့ကြသည်။ ဆောင်းရာသီ၏ ချမ်းအေးမှုကြောင့် ဖြစ်စေ၊ နွေ၏ အပူကြောင့်ဖြစ်စေ ဝတ်ပြုအစည်းအဝေးတစ်ခုကိုမျှ သူတို့ ဘယ်သောအခါမျှ မလွတ်စေခဲ့ပါ။ အဘွားအိုတစ်ယောက်ဖြစ်လင့်ကစား ကျွန်မထံသို့ လာရောက်လည်ပတ်၍ ဂရုစိုက်ပေးခြင်းကို လေ၊ မိုးနှင့် နှင်းတို့သည်လည်း သူတို့ကို ဘယ်သောအခါမျှ မဟန့်တားနိုင်ခဲ့ပါ။ အထူးသဖြင့် ဘုရားနှုတ်ကပတ်တော်များကို ကျွန်မတို့ ဖတ်ရှုကြသည့်အခါ၊ ကျွန်မ နားမလည်သည့်အရာ တစ်ခုတလေရှိခဲ့လျှင်၊ ထိုအကြောင်းအရာကို သူတို့က ကျွန်မအား စိတ်ရှည်လက်ရှည် အမြဲ မိတ်သဟာယပြုပေးခဲ့ကြ၊ ကျွန်မကို မသိကျိုးကျွန်ပြုခြင်း သို့မဟုတ် အထင်သေးခြင်း လုံးဝမရှိကြပါ။ ဤအဖြစ်ကြောင့် ကျွန်မ အလွန်အမင်း စိတ်လှုပ်ရှားခဲ့ရပါသည်၊ အဘယ်ကြောင့်ဆိုသော် ဘုရားသခင်၏ ချစ်ခြင်းမေတ္တာကြောင့်မဟုတ်လျှင်၊ ထိုသို့သော စိတ်ရှည်ခြင်းနှင့် ချစ်ခင်ခြင်းတို့ကို ကျွန်မအတွက် ဘယ်သူက ပြသခဲ့လိမ့်မည်နည်း။ ကျွန်မ၏ ညီအစ်ကို မောင်နှမများနှင့် အပြန်အလှန် ဆက်ဆံမှုများတွင်၊ သူတို့က သာမန်အရပ်သားများနှင့် အလွန်ကွဲပြားကြသည်ကို ကျွန်မ တွေ့ခဲ့ရသည်။ သူတို့ အသက်ရှင်နေထိုင်သည်မှာ သည်းခံခြင်းနှင့် ချစ်ခြင်းမေတ္တာဖြစ်ပြီး၊ သူတို့၏ စိတ်နှလုံးများကို ဖွင့်ဟနိုင်ကြသလို၊ သူတို့ကြားတွင် မည်သည့် အတားအဆီး မည်သည့်ကွာဝေးမှုမျှ မရှိဘဲ၊ အချင်းချင်း ရိုးသားမှုဖြင့် ဆက်ဆံနိုင်ကြလေသည်။ သူတို့က မိသားစုတစ်စုကဲ့သို့ နီးစပ်ကြပြီး၊ ဤအရာကကျွန်မကို အနန္တတန်ခိုးရှင် ဘုရားသခင်၏ အမှုတော်နှင့်ပတ်သက်၍ သေချာမှုကို ပို၍ပင် ခံစားမိစေခဲ့သည်။ သမ္မာတရားများကို ကျွန်မ ပို၍ နားလည်လာသည်နှင့်အမျှ၊ ဖန်ဆင်းခံတစ်ဦးအနေဖြင့် ကျွန်မ၏ တာဝန်အား ဖြည့်ဆည်းသင့်ကြောင်း ကျွန်မ နားလည်ခဲ့သည်။ ထို့ကြောင့် တာဝန်များယူချင်ကြောင်း အသင်းတော်ကို ကျွန်မ ပြောခဲ့ပါသည်။ သို့သော် ကျွန်မ၏ အသက်အရွယ်သည် တာဝန်အများစုကို ထမ်းဆောင်ခြင်း ကျွန်မကို ကျွန်မ၏ အသက်အရွယ်က ဟန့်တားထားသောကြောင့်၊ အိမ်တွင် ဧည့်ခံခြင်းတာဝန်များကိုသာ အသင်းတော်က ကျွန်မကို သတ်မှတ်ပေးခဲ့သည်။ ကျွန်မ၏ တတ်စွမ်းနိုင်မှုများအပေါ် အခြေခံပြီး ကျွန်မကို တာဝန်တစ်ခု သတ်မှတ်ပေးခြင်းအတွက် ဘုရားသခင်ကို ကျေးဇူးတင်မိကာ၊ ကျွန်မ လက်ခံခဲ့ပါသည်။ ဤသို့ဖြင့် ကျွန်မသည် ကျွန်မ၏ ညီအစ်ကို မောင်နှမများနှင့် အလွန်အဆင်ပြေခဲ့ပြီး၊ ခန္ဓာနှင့် စိတ်တွင် ကြီးမားသည့် သက်သာရာရခြင်းအသိတစ်ခုကို ကျွန်မ ခံစားခဲ့ရသည်။ ကျွန်မ ခံစားနေခဲ့ရသည့် ရောဂါအချို့လည်း စတင် သက်သာလာခဲ့သည်။ ထို့ကြောင့် အနန္တတန်ခိုးရှင် ဘုရားသခင်ကို သူ၏ ကျေးဇူးတော်နှင့် ကရုဏာတော်အတွက် ကျွန်မ သာ၍ပင် ကျေးဇူးတင်ခဲ့ပါသည်။Read More »

ဘုရားသခင်၏မိခင်ကဲ့သို့သောနှလုံးသားကို မည်သူသိနိုင်မည်နည်း

ကျေးဇူးတော်, သမ္မာတရား, အသင်းတော်

ချင်ရှင်း ဂျန်ဂျိုးမြို့၊ ဟဲနန်းမြို့နယ်

ယခင်က ကျွန်မသည် ဘုရားသခင်၏ လူသားမျိုးနွယ်ကို ကယ်တင်ခြင်း အမှုတော်ကို နားမလည်ခဲ့ပါ။ တစ်စုံတစ်ယောက်က သူ့၏အလုပ်၌ ဖောက်ပြန်ပျက်စီးခြင်းကို ထုတ်ဖော်သည်ဖြစ်စေ၊ သို့မဟုတ် အသင်းတော်လုပ်ငန်းကို ထိခိုက်စေသည့် အပြစ်ကို ကျူးလွန်သည်ဖြစ်စေ၊ သူသည် တန်ပြန်ခံရခြင်း (သို့) တာဝန်မှရပ်ဆိုင်းခံရခြင်း (သို့) အပြစ်ဒဏ်ပေးခံရခြင်းများကို ရင်ဆိုင်ရမည်ဟု ကျွန်မ ထင်မြင်ခဲ့ပါသည်။ ယင်းမှာ ဘုရားသခင်၏ဖြောင့်မတ်ခြင်း ဖြစ်ပါသည်။ ကျွန်မသည် ထိုသို့ မမှန်ကန်သော နားလည်မှုမျိုးအပြင်၊ ကျွန်မ၏ အလုပ်တွင် အမှားကျူးလွန်မိပြီး အလုပ်ပြုတ်မည်ကိုကြောက်ရွံ့မိခြင်းများကြောင့် “ပါးနပ်သောနည်းလမ်း” တစ်ခုကို စဉ်းစားခဲ့မိပါသည်။ ကျွန်မသည် အမှားတစ်ခုခုကျူးလွန်မိသည့်အခါတိုင်း၊ ပထမဦးစွာ ခေါင်းဆောင်များ မသိစေဖို့ မိမိအတတ်နိုင်ဆုံး ကြိုးစားထားပြီး၊ မိမိဘာသာ ဖြေရှင်းရန် လျင်မြန်စွာ ကြိုးစားကာ၊ အမှန်အတိုင်း ဖြစ်စေရန် ကျွန်မ၏ အစွမ်းရှိသမျှ ဆောင်ရွက်ပါသည်။ ထို့နောက် ယင်းမှာ ကျွန်မအလုပ်မြဲနေစေဖို့ ကျွန်မကို အထောက်အကူ မဖြစ်စေပါသလား။ ထို့ကြောင့် အလုပ်အတွက် အစီရင်ခံစာပေးရသည့်အချိန်တိုင်း ကြီးသည့်အမှုကို ငယ်စေကာ၊ ငယ်သည့်အမှုကို ပပျောက်စေခဲ့ပါသည်။ တစ်ခါတစ်ရံတွင် ကျွန်မ မတုန်မလှုပ်ဖြစ်နေခဲ့ပါက၊ ခေါင်းဆောင်များက ကျွန်မအား မစွမ်းဆောင်နိုင်သူဟု တွေးထင်ပြီး၊ ကျွန်မကို အသုံးမပြုတော့မည်ကို ကြောက်လန့်ရင်း၊ ခေါင်းဆောင်များ ရှေ့တွင် အတတ်နိုင်ဆုံး ဖုံးကွယ်လိုက်ပြီး၊ ကျွန်မသည် အလွန်တက်ကြွကာ၊ အပြုသဘောဆောင်သူ အဖြစ် ဟန်ဆောင်ခဲ့ပါသည်။ ထိုသို့နှင့်ပင် ကျွန်မ လုပ်သမျှ အရာတိုင်းတွင် ဘုရားသခင်နှင့် ခေါင်းဆောင်များ မသိရစေရန် အလွန်ဂရုတစိုက်နှင့် သတိထားနေရပါသည်။Read More »

ဘုရား၏ နှုတ်ကပတ်တော်များက ကျွန်တော့် အယူအဆများကို ဖယ်ရှားသည်

နောက်ဆုံးသောကာလ, ဘုရားသခင်၏ နှုတ်ကပတ်တော်များ ဖတ်ကြားခြင်းများ, သမ္မာတရား, ဧဝံဂေလိ

ရှောင်ရွီ၊ စီချွမ်စီရင်စု

အနန္တတန်ခိုးရှင် ဘုရားသခင်၏အသင်းတော်၌ ကျွန်တော့် ၏တာဝန်သည် သတင်းကောင်းဝေငှခြင်းဖြစ်သည့်အချိန်တွင်၊ မှားယွင်းသောသက်သေကို အပြင်းအထန် ငြင်းဆန်သည့်၊ နှောင့်ယှက်သည့်၊ နောက်ဆုံးသောကာလတွင် ဘုရားသခင်၏ အမှုတော်ကို လူတို့ စုံစမ်းစစ်ဆေးခြင်းနှင့် လက်ခံခြင်းကို ဆန့်ကျင်၊ နှောင့်ယှက်၊ တားဆီးရန် မှားယွင်းသောသက်သေကို ခံကြသည့် ဘာသာရေးခေါင်းဆောင်များကို ဤအရာ လုပ်ဆောင်စဉ်တွင် ကျွန်တော် တွေ့ကြုံခဲ့ရသည်။ ၎င်းတို့သည် သတင်းကောင်း ဝေငှသော ကျွန်တော်တို့ကို ဖမ်းဆီးရန် ရဲများကိုပင် ခေါ်ခဲ့ကြသည်။ အကျိုးဆက်အနေဖြင့် ကျွန်တော်တို့ တရားဟောသည့် လူများသည် ကျွန်တော်တို့နှင့် မဆက်သွယ်ရဲတော့ပါ။ ထို့အပြင် သတင်းကောင်းကို လက်ခံပြီးစလူများသည် အနှောင့်အယှက်ပေးခြင်း ခံခဲ့ရပြီး ဘုရားသခင်၏အမှုတော်နှင့်ပတ်သက်၍ မသေချာမရေရာ ဖြစ်လာခဲ့ကြသည်။ ကျွန်တော်တို့၏ ဧဝံဂေလိလုပ်ငန်းသည် အလွန်အမင်း ဟန့်တားခံခဲ့ရသည်။ သင်းအုပ်ဆရာများနှင့် အကြီးအကဲများ၏ အလိမ်ခံရပြီး၊ အနှောင့်ယှက်ခံခဲ့ရသည့် စစ်မှန်သော ယုံကြည်ခြင်းရှိသည့် ညီအစ်ကိုမောင်နှမများကို တွေ့သောအခါ ကျွန်တော် အလွန် စိုးရိမ်မိသည်။ ၎င်းတို့သည် ဘုရားသခင်ရှေ့သို့လာပြီး နောက်ဆုံးသော ကာလ ကိုယ်တော်၏ သန့်စင်ခြင်းနှင့် ကယ်တင်ခြင်းတို့ကို လက်မခံနိုင်ခဲ့ကြပါ။ ဘုရားသခင်၏ အမှုတော်နှင့် ပတ်သက်ပြီး သူတို့ စွဲကိုင်ထားသည့် အယူအဆများကို ဖြေရှင်းရန် ဘုရားသခင်၏ နှုတ်ကပတ်တော်အပေါ် သူတို့နှင့် မိတ်သဟာယဖွဲ့ရန် ကျွန်တော် နေ့စဉ်ကြိုးစားလုပ်ဆောင်ခဲ့သည်။ သို့သော် ဤအရာကို အချိန်ကာလတခုအထိ ကျွန်တော် လုပ်ဆောင်ခဲ့ပြီးနောက် ကျွန်တော်တို့၏ ဧဝံဂေလိ လုပ်ငန်းက ပိုမိုကောင်းလာဖို့အတွက် အပြောင်းအလဲမဖြစ်ခဲ့သေးပါ။ ကျွန်တော် တွေးမိခဲ့ပါသည်။ “ဧဝံဂေလိအလုပ်က ဆောင်ရွက်ဖို့ အရမ်းခက်တယ်။ အလှည့်စားခံခဲ့ရသူတွေကို ပြသဖို့ ဘုရားသခင်က အံ့ဖွယ်နမိတ်လက္ခဏာတချို့ ပြုလုပ်ပြီး ဘုရားသခင်ကို ပြင်းပြင်းထန်ထန် အာခံသတွေနဲ့အတူ မမှန်တဲ့သက်သေကို ခံတဲ့သူတွေကို အပြစ်ဒဏ်ပေးရင် သိပ်ကောင်းမှာပဲ။ အဲဒါဆိုရင် ဧဝံဂေလိအလုပ်ကပိုပြီး မြန်မြန်ဆန်ဆန် ရှေ့ဆက်နိုင်မှာပဲ မဟုတ်လား။ ကျွန်တော်တို့အတွက် သတင်းကောင်းဝေငှဖို့ သိပ်ပြီး ခက်မှာမဟုတ်တော့ဘူး” ဟု ကျွန်တော် တွေးမိခဲ့သည်။ ဤသည်မှာ အခက်အခဲများကြုံရတိုင်း ကျွန်တော့်၏ နှလုံးသားထဲတွင် ဤမျှော်လင့်ချက် ဖြစ်ပေါ်လာသည့် ပုံစံဖြစ်သည်။ နောက်ပိုင်းတွင် အနန္တတန်ခိုးရှင် ဘုရားသခင်ကို ဆန့်ကျင်ခြင်းအတွက် ပြစ်ဒဏ်ပေးခြင်းနှင့်ဆိုင်သော ဂန္တဝင် သာဓကများ ဟူသော စာအုပ်ကို ကျွန်တော်ဖတ်ပြီး ဘုရားသခင်၏ ထူးဆန်းနိမိတ်လက္ခဏာများနှင့် အံ့ဖွယ်ရာများအကြောင်း သက်သေခံချက်များကို မိတ်သဟာယဖွဲ့စဉ်တွင် ကြားရပြီးနောက် ကျွန်တော့်နှလုံးသားထဲတွင် အလွန်ဝမ်းသာမိခဲ့သည်။ ကျွန်တော်တို့၏ ဧဝံဂေလိအလုပ် ချောချောမွေ့မွေ့ ဆောင်ရွက်နိုင်ရန်အလို့ငှာ ကျွန်တော်အလုပ်လုပ်သည့် နယ်ပယ်တွင် ဘုရားသခင်က တစ်ခုခုပြုလုပ်မည်ဟု ကျွန်တော် ပိုပြီးမျှော်လင့်ခဲ့သည်။ ကျွန်တော်ဘယ်လောက်ပဲ မျှော်လင့်နေပါစေ ၎င်းနေရာတွင် ဘုရားသခင်က နိမိတ်လက္ခဏာတစ်ခုခု ပြခြင်း သို့မဟုတ် မကောင်းသည့်လူများကို အပြစ်ဒဏ်ပေး ဖို့ရန် တစ်ခုခုလုပ်ဆောင်ခြင်းကို ကျွန်တော်မတွေ့ခဲ့ရပါ။ဘာသာရေးသမားများက ဘုရားသခင်ကို အပြည့်အဝ ဆန့်ကျင်နေကြဆဲဖြစ်ပြီး ဧဝံဂေလိအမှုတော်ရှိ အခက်အခဲများသည် ဆက်လက် ကြီးမားနေဆဲဖြစ်သည်။ “ဘုရားသခင်က ဘာလို့ ငါတို့အတွက် လွတ်လမ်းကို မဖွင့်ပေးတာလဲ။ ငါတို့ရဲ့ယုံကြည်ခြင်းက မလုံလောက်လို့လား” ဟု စဉ်းစားရင်း ကျွန်တော် အပျက်သဘောဆောင်လာခဲ့သည်။Read More »

ကျွန်ုပ်သည် ခရစ်တော်ကို ဖူးမျှော်ရန် မထိုက်တန်ပါ

ကောင်းကင်ဘုံ, ဆုတောင်း, သမ္မာတရား

ဟွမ်ဘောင် လျောင်နင်းပြည်နယ်၊ ဒါလီယန်မြို့

ကျွန်ုပ်သည် အနန္တတန်ခိုးရှင် ဘုရားသခင်ကို စတင် သက်ဝင် ယုံကြည်သည်မှစ၍ ခရစ်တော်၏ ဒေသနာတော်များကို ကိုယ်တိုင်နားနှင့် ကြားခွင့်ရပြီး ကိုယ်တော်၏ သာသနာပြုခြင်းကို ကိုယ်တိုင်ခံယူ ရရှိခဲ့သည့် ညီအစ်ကို မောင်နှစ်မများကို အစဉ် လေးစားအားကျမိသည်။ ကျွန်ုပ်၏ စိတ်နှလုံးသားထဲတွင် ကျွန်ုပ်သည် နောင်တစ်ချိန် တစ်နေ့နေ့တွင် ခရစ်တော်၏ ဒေသနာတော်များကို ကိုယ်တိုင် နာကြားခွင့်ရခဲ့ပါက အဘယ်မျှလောက် ကောင်းလိုက်မည်နည်း၊ အကယ်၍သာ ကိုယ်တော်ရှင်ကို ကိုယ်တိုင် ဖူးမျှော်ခွင့်ရခဲ့ပါက အတိုင်းထက်အလွန် ဖြစ်မည်ဟု တွေးခဲ့မိပါသည်။ သို့ရာတွင် ယခုတစ်လော ကိုယ်တော်၏ မိတ်ဿဟာယဖွဲ့ ဆွေးနွေးချက်များကို ကြားနာခြင်းမှတစ်ဆင့် ကျွန်ုပ်သည် ခရစ်တော်ကို ဖူးမျှော်ရန် မထိုက်တန်ဟု စိတ်နှလုံးထဲတွင် နက်နက်ရှိုင်းရှိုင်း ခံစားလာရသည်။Read More »

စစ်မှန်သော ခရစ်တော်နှင့် ခရစ်တော်၏ အယောင်ကိုဆောင်သောသူတို့ကြား ခွဲခြားသိမြင်ရန် နည်းလမ်းကို ကျွန်မ တွေ့ရှိသည်

ဆုတောင်း, နောက်ဆုံးသောကာလ, ယုံကြည်ခြင်း, ခရစ်ယာန်, ဧဝံဂေလိတရား

ရှန်းဝမ်၊ မလေးရှား

အယ်ဒီတာ့ မှတ်စု– ယခု ကျွန်ုပ်တို့သည် သခင်၏ ပြန်ကြွလာခြင်းနှင့်ဆိုင်သော အရေးကြီးသည့် အချိန်တွင် ရောက်ရှိနေကြသည်။ ယုံကြည်သူအချို့သည် သင်းအုပ်ဆရာများနှင့် အကြီးအကဲများ ပြောသည့်အရာကို ယုံကြည်ကြသောကြောင့် ခရစ်တော်၏ အယောင်ကိုဆောင်သောသူများ၏ လှည့်ဖြားခြင်းခံရမည်ကို ကြောက်ရွံ့ကြပြီး တစ်စုံတစ်ဦးက သခင်ပြန်ကြွလာပြီဟု သက်သေခံနေသည်ကို ကြားသည့်အချိန်တွင်ပင် လမ်းခရီးကို ရှာဖွေဖို့ရန် မဝံ့မရဲဖြစ်နေသေးသည်အထိ သတိထားနေကြပြီး မတုန်မလှုပ် ဖြစ်လာကြလေသည်။ သို့ဆိုလျှင် တစ်ဦးတစ်ယောက်သည် သခင်၏ ပြန်ကြွလာခြင်းကို မည်သို့ ကြိုဆိုပြီး တစ်ချိန်တည်းမှာပင် ခရစ်တော်၏ အယောင်ဆောင်သောသူတို့ကို သတိထားနိုင်မည်နည်း။ ညီအစ်မ ရှန်းဝမ်က အဖြေကို တွေ့ရှိထားပါသည်။ ထို့ကြောင့် သူမ၏ အတွေ့အကြုံကို အတူတကွ တစ်ချက်လေ့လာလိုက်ကြပါစို့။Read More »

အမှုတော်၌ ပူးပေါင်းဆောင်ရွက်ခြင်း၏ အရေးပါမှု

ကယ်တင်ခြင်း, ခရစ်ယာန်, ဆုတောင်း, သက်သေခံချက်, အသင်းတော်

မီကျယ်၊ ရှန်ဒုံစီရင်စု

အသင်းတော်သည် ရာထူးနေရာအားလုံးတွင်ရှိသည့် အသင်းတော်ခေါင်းဆောင်များကို တွဲဖက်တစ်ယောက်စီ ရှာစေသည့် အလုပ်အစီအစဉ်တစ်ခု ထုတ်ပြန်ခဲ့သည်။ (လုပ်ဖော်ကိုင်ဖက်တစ်ဦးက အသင်းတော်ခေါင်းဆောင်များ နှင့်တွဲဖက် လုပ်ဆောင်ရန်)။ ထိုအချိန်၌ ထိုအမှုအရာသည် ကောင်းမွန်သော အစီအစဉ်တစ်ရပ်ဖြစ်သည်ဟု ကျွန်မတွေးမိသည်။ ကျွန်မသည် အရည်အချင်း နည်းပါးသူတစ်ဦးဖြစ်သည့်အတွက် အသင်းတော်ဆိုင်ရာလုပ်ငန်း အမျိုးမျိုးကို ပြီးစီးဖို့ရန် ကျွန်မကိုကူညီမည့်သူ လုပ်ဖော်ကိုင်ဖက်တစ်ဦး အမှန်တကယ် လိုအပ်နေသည်။Read More »

ပိုက်ဆံရှာခြင်းထက် ပို၍ အဓိပ္ပါယ်ရှိသည့် ဘဝတစ်ခုအား ကျွန်မ တွေရှိခဲ့သည်

ကျေးဇူးတော်, ချီးမွမ်းခြင်း, ယုံကြည်ခြင်း, ဧဝံဂေလိတရား

ဖန်ဟောက် တရုတ်ပြည်

ယခုနောက်ပိုင်းတွင် အင်တာနက်ပေါ်မှ ဆိုရိုးစကားတစ်ခုက လူသိများလာ ခဲ့သည်၊ “ ငွေမရှိရင် ကိုယ့်မိသားစုအနှောင်အဖွဲ့တွေကို ဘယ်လိုထောက်ပံ့မလဲ။ ကိုယ့်ချစ်ခြင်းကို ဘယ်လိုခိုင်မြဲစေမလဲ။ ပြီးရင် ကိုယ့်မိတ်ဆွေတွေနဲ့ဘယ်လိုဆက်သွယ်မလဲ။ စကားနဲ့လား။ ထားလိုက်ပါ။ လူတွက ဒီလိုလုပ်ဖို့အတွက် အချိန်မရှိဘူး။” ငွေဖက်သို့သာ လုံးလုံးပြောင်းကုန်ကြသည့် လူ့အဖွဲ့အစည်းတစ်ခုတွင် အရာအားလုံးကို ထိုသို့သော လက်တွေ့ကျသည့် သုံးသပ်ခြင်းများဖြင့် စိုးမိုးခြယ်လှယ်နေသည်၊ ရုပ်ဝထ္ထုဆိုင်ရာ နှင့် ရုပ်ဝထ္ထုဆိုင်ရာ မဟုတ်သည့် အရာများအားလုံးတို့သည် ငွေအတွက် အလဲအလှယ်လုပ်နိုင်သည့် အရာများဖြစ်ပြီး၊ သင့်အိတ်ထဲမှ ငွေစက္ကူအရေအတွက်က သင့်တန်ဖိုးနှင့် အဆင့်အတန်းတို့ကို ဆုံးဖြတ်ပေး သည်။ သင့်ထံတွင် ငွေများစွာရှိပါက၊ အခြားသူများက သင့်ကို အလုပ်အကျွေး ပြုဖို့နှင့် မြှောက်ပင့်ဖို့ အလုအယက်တိုးဝှေ့ကြိုးပမ်းကြမည်၊ သို့သော်လည်း ငွေမရှိပါက အခြားသူများက သင့်ကို အထင်သေးစေပြီး၊ မိတ်ဆွေများနှင့် ဆွေမျိုးများက သင့်ကို ရှောင်ရှားစေသည်။ “ ချမ်းသာဝပြောသည့်အချိန်တွင် မိတ်ဆွေများလိမ့်မည်၊ ဘေးဒုက္ခဆင်းရဲရောက်ချိန်တွင် အယောက်နှစ်ဆယ် တွင် တစ်ယောက်မှမရှိပါ” ဆိုသည့် ဆိုရိုးစကားနှင့်အညီပင် ဖြစ်သည်။ အရာအားလုံးကို အကဲဖြတ်ဖို့ ငွေကို အသုံးပြုကြသည့် လူများ ပိုပို၍ များလာသည်။ ချမ်းသာကြွယ်ဝသူများသာလျှင် သူတို့တစ်ဦးချင်းစီ၏ တန်ဖိုးကို ဖော်ပြနိုင်ပြီး၊ သာလွန်သောဘဝတစ်ခုတွင် အသက်ရှင်နေထိုင်ခွင့် ရသည် ဟူ၍ ယုံကြည်ကြသည်။ ထို့ကြောင့် လူများစွာတို့က ငွေ၏ကျေးကျွန်ဖြစ်လာကာ၊ ငွေပိုရရှိရန် အရာအားလုံး ကို စတေးရန်လိုလားကြသည်။ သူတို့၏ ဘဝများ၊ ကျန်းမာရေးများနှင့် ကိုယ်ပိုင် ဂုဏ်သိက္ခာများကိုပင် စတေးရန် လိုလားကြသည်၊ တစ်ခါက ကျွန်မက အဓိပ္ပါယ်အရှိဆုံး ဘဝမှာ မည်သည့်အရာဖြစ်မှန်း မသိခဲ့သောကြောင့် ငွေရှာရန် အလုပ်လုပ်ခြင်းသည် ကျွန်မ၏ ပန်းတိုင်ဖြစ်လာခဲ့သည်။ စိုးရိမ်ရသည့် နာမကျန်းဖြစ်ခြင်း က ရုတ်တရက် နားလည်သဘောပေါက်မှုကို သယ်ဆောင် လာပြီး၊ ငွေနောက်မှ မှောင်မိုက်သည့် ဇတ်ကောင်ကို သတိပြုမိစေသည့်အပြင်၊ ငွေရှာခြင်းထက် ပိုပြီး အဓိပ္ပါယ်ရှိသည့် ဘဝတစ်ခုကို ကူညီရှာဖွေပေးခဲ့သည့် နေ့ရက်အထိပင် ဖြစ်ပါသည်။Read More »

၉။ ဘုရားကိုသိခြင်းလမ်းကို ကျွန်တော်မြင်သည်

ကယ်တင်ခြင်း, ဆုတောင်း, သက်သေခံချက်, သမ္မာတရား

ရှင်းကောင်း ၊ ရှန်ဇီ စီရင်စု

တစ်နေ့တွင် ဘုရားသခင်၏နူတ်ကပတ်တော်တွေထဲမှ အောက်ပါ စာပိုဒ်ကို ကျွန်တော် တွေ့ခဲ့ရသည်။ “ယေရှုကို ပေတရု သိလာသည့်အကြောင်း”- “ယေရှုနောက်ကိုလိုက်သည့် အချိန်မှာပင် ပေတရုသည် ယေရှု၏ စကားတော်များ၊ လုပ်ရပ်များ၊ လုပ်ရှားမှုများနှင့် ဖော်ပြပုံများဖြစ်သည့် ယေရှု၏ သက်တော်စဉ်အကြောင်းကို လေ့လာကာ နှလုံးသွင်းမှတ်သားလာခဲ့သည်။…ယေရှုနှင့် တွေ့ဆုံခဲ့သည့်အချိန်မှစ၍ ပေတရုက ယေရှု၏ စရိုက်လက္ခဏာတို့သည် သာမန်လူများနှင့် မတူခြားနားကြောင်းကိုလည်း သတိပြုမိခဲ့သည်။ သူသည် အမြဲတစေ တည်တည်ငြိမ်ငြိမ်ရှိပြီး အလောတကြီး မည်သည့်အခါမျှ မလုပ်ဆောင်ခဲ့သကဲ့သို့ မည်သည့်အခါမျှ ချဲ့ကားမပြောဘဲ ကိစ္စတစ်ခုခုကိုလည်း အရေးမကြီးလေဟန် မှေးမှိန်ပစ်ခြင်းမျိုး မလုပ်သည့်အပြင် မိမိဘဝကို သာမန်ဆန်ပြီး နှစ်လိုဖွယ်ကောင်းအောင် နေထိုင်ခဲ့သည်။ စကားပြောသည့်အခါတွင်လည်း ယေရှုသည် ရည်မွန်ပြီး ယဉ်ကျေးသိမ်မွေ့သကဲ့သို့ ပွင့်လင်းပြီး ရွှင်လန်းတက်ကြွသော်လည်း သဘောရိုးပြီး၊ မိမိအလုပ်ကို လုပ်သည့်အခါတွင်လည်း သူ့ဂုဏ်သိက္ခာကို မည်သည့်အခါမျှ မကျအောင် လုပ်ခဲ့သည်။ ယေရှုက တစ်ခါတစ်ရံ နှုတ်နည်းသော်လည်း အခြားအချိန်များတွင် ဆက်တိုက် စကားပြောဆိုတတ်ခြင်းကိုလည်း ပေတရုတွေ့ဖူးသည်။ တစ်ခါတစ်ရံ ကိုယ်တော် အလွန်ပျော်ရွှင်သည့် အခါမျိုး၌ ချိုးငှက်တစ်ကောင်ကဲ့သို့ လျင်မြန်သွက်လက် တက်ကြွနေသလို၊ ဝမ်းနည်းသည့်အခါ၌ ရာသီဥတုဒဏ် အဆက်မပြတ်ခံထားရသည့် ငှက်မိခင်ကဲ့သို့မျိုး စကားတစ်ခွန်းမျှ မပြောဘဲ နေသည့်အချိန်များလည်း ရှိခဲ့သည်။ ကိုယ်တော် ဒေါသထွက်သည့်အချိန်မျိုးတွင်မူ ရန်သူများကို ချေမှုန်းဖို့ ဆန္ဒစောနေသည့် ရဲရင့်သည့်စစ်သားပုံပေါက်နေသကဲ့သို့ တစ်ခါတစ်ရံတွင် ဟိန်းဟောက်နေသည့် ခြင်္သေ့တစ်ကောင်လိုမျိုးလည်း ဖြစ်နေတတ်သည်။ တစ်ခါတစ်ရံပြုံးပြီး တစ်ခါတစ်ရံ ကိုယ်တော်သည် ဆုတောင်းပြီး ငိုကြွေးနေတတ်သူဖြစ်သည်။ ယေရှု ဘယ်လိုပင် ဖြစ်နေပါစေ၊ ပေတရုသည် ကိုယ်တော့်အပေါ် လေးစားမှုများနှင့် အဆုံးမဲ့အချစ်များ ထားရှိမှုသည် ကြီးထွားလာနေခဲ့သည်။ ယေရှု၏ ကရုဏာ၊ ခွင့်လွှတ်မှုနှင့် စည်းကမ်းရှိမှုတို့သည် ပေတရုအား ယေရှုအပေါ် အမှန်တကယ် ချစ်လာစေသကဲ့သို့ ကိုယ်တော့်ကို စစ်မှန်စွာ ကြည်ညိုလျက် မျှော်လင့်တောင့်တနေစေသည်။ ယေရှု၏ ရယ်မောသံသည် ပေတရုကို ပျော်ရွှင်ခြင်းများနှင့် ပြည့်နှက်နေစေခဲ့သည်၊ ယေရှု၏ ဝမ်းနည်းမှုများသည် သူ့ကို ပူဆွေးခြင်းသို့ ရောက်စေခဲ့သည်၊ ယေရှု၏ အမျက်ဒေါသသည် သူ့ကို ကြောက်ရွံစေသည်။ ဟုတ်ပါသည်။ ပေတရုသည် ယေရှု၏အနားတွင် နှစ်အနည်းငယ်နေထိုင်ပြီးမှသာ ၎င်းတို့ကို တစ်ဖြည်းဖြည်း သိကျွမ်းလာခဲ့ခြင်းပင်ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏) ဤစာပိုဒ်ကို ဖတ်ပြီးသည့်နောက် ကျွန်တော် စဉ်းစားမိသည်။ ပေတရုတွင် ဘုရားကိုသိခြင်း ဉာဏ်ပညာရှိသည်မှာ အံ့သြစရာမဟုတ်ပေ။ အဘယ်ကြောင့်ဆိုသော် သူသည် သခင်ယေရူဘေးတွင် နေ့ရော ညပါ ရှိနေခဲ့သည်။ သခင်ယေရူ၏ စကားလုံးတိုင်းနှင့် လှုပ်ရှားမှုတိုင်းကို သူကိုယ်တိုင် မျက်မြင်တွေ့ခဲ့ရသည်။ ပြီးလျှင် ဘုရားသခင်၏ နှစ်သက်ဖွယ်ကောင်းခြင်း တော်တော်များများကို သူ ရှာဖွေတွေ့ရှိခဲ့ရသည်။ ထို့ကြောင့် သူသည် ဘုရားသခင်ကိုသိခြင်း ဉာဏ်ပညာကို ရရှိခဲ့သည်။ ယခုအချိန်သည်လည်း ဘုရားသခင်က လူ့ဇာတိခံယူပြီးလျှင် ကိုယ်တော်တိုင် လူသားတို့ ကမ္ဘာကို ဆင်းသက်လာပြီး လုပ်ဆောင်သော အချိန်ကာလဖြစ်ပါသည်။ အကယ်၍ ကျွန်တော်သာ ဘုရားသခင်နှင့် ထိတွေ့နိုင်ပြီး ပေတရုကဲ့သို့ သူနှင့် အတူတူ နေဖို့ အခွင့်အလမ်းကို ရခဲ့မည်ဆိုလျှင် ၊ ကျွန်တော် ဘုရားသခင်ကို ဒီထက်ပိုပြီး သိနိုင်မည် မဟုတ်လော။ ယခုတွင် ဘုရားသခင်၏ နူတ်ကပတ်တော်ကို ဖတ်နိုင်သော်လည်း ခရစ်တော်၏မျက်နှာကို မမြင်နိုင်သည်မှာ တော်တော်ဆိုးသည်။ ဤသို့ဆိုလျှင် ဘုရားသခင်ကို အမှန်တကယ်သိခြင်း ဉာဏ်ပညာကို ကျွန်တော် မည်သို့ရနိုင်မည်နည်း။Read More »