အနန္တတန်ခိုးရှင် ဘုရားသခင်နှင့် သခင်ယေရှုတို့သည် တစ်ဆူတည်းသော ဘုရားသခင်လော။

ဆုတောင်း, ယေရှု, ဝိညာဉ်တော်, သခင်ယေရှု, သမ္မာတရား

လူသားသည် စာတန်၏ ဖျက်ဆီးခြင်းကို ခံရသည့်အခါ ဘုရားသခင်သည် လူသား မျိုးနွယ်ကို ကယ်တင်ရန် စီမံခန့်ခွဲမှု အစီအစဉ်တစ်ရပ်ကို စတင်ခဲ့၏။ လူသားမျိုးနွယ်ကို ကယ်တင်ရန် ဘုရားသခင်သည် အမှုအဆင့် သုံးဆင့်ကို ဆောင်ရွက်ခဲ့၏။ ပညတ်တော် ကာလတွင် ယေဟောဝါ ဘုရားသခင်သည် ပညတ်တော်များကို ထုတ်ပြန်လျှက် လူသား မျိုးနွယ်၏ဘဝကို လမ်းပြကာ လူသားတို့အား ဘုရားသခင်ကို ကိုးကွယ်ရမည် ဖြစ်ကြောင်းနှင့် အပြစ်ဟူသည် မည်သည့်အရာ ဖြစ်ကြောင်းတို့ကို အသိပေးခဲ့၏။ သို့ရာတွင် ပညတ်တော်ကာလ၏ နောက်ဆုံးအဆင့်များ ရောက်လာသည့်အခါ လူသားမျိုးနွယ်၏ ပျက်စီးမှုသည် ပိုမိုပြင်းထန်လာကာ လူတို့သည် ပညတ်များကို မကြာခဏ ချိုးဖောက်လျှက် ယေဟောဝါကို ပြစ်မှားခဲ့ကြ၏။ ထိုသူတို့သည် ၎င်းတို့၏ ချိုးဖောက်မှုများကြောင့် ပြစ်တင် ရှုတ်ချခံရခြင်းနှင့် အသတ်ခံရခြင်း အန္တရာယ်နှင့် ရင်ဆိုင်ခဲ့ရ၏။ ထို့ကြောင့် လူသားမျိုးနွယ်၏ လိုအပ်ချက်ကို ဖြည့်ဆည်းသည့် အနေဖြင့် ကျေးဇူးတော်ကာလတွင် ဘုရားသခင်သည် လူသားအသွင်ခံယူလျှက် သခင်ယေရှု ဖြစ်လာ၏။ လူသားမျိုးနွယ်အတွက် သူသည် လက်ဝါး ကပ်တိုင်တွင် သံမှိုဆွဲရိုက်ခံရကာ လူသားကို အပြစ်မှ ကယ်နုတ်ခဲ့၍ လူတို့အား ဘုရားသခင် ရှေ့မှောက်လာကာ ဘုရားသခင်ကို ဆုတောင်းခြင်း၊ အပြစ်ဝန်ခံခြင်းနှင့် နောင်တရခြင်း၊ အပြစ်များအတွက် ခွင့်လွှတ်ခံရခြင်းနှင့် ဘုရားသခင်၏ကျေးဇူးနှင့် ကောင်းချီးမင်္ဂလာများ၏ ကြွယ်ဝမှုအောက်တွင် နေထိုင်ခြင်းများ ပြုလုပ်နိုင်စေခဲ့၏။ သို့ရာတွင် လူတို့၏ အပြစ်များသောသဘာဝကို ဖြေရှင်းရန်လိုသေးလျှက် ထိုသူတို့သည် မကြာခဏ အပြစ် ကျူးလွန်ခဲ့၍ ဘုရားသခင်ကို ဆန့်ကျင်ခဲ့သဖြင့် နိုင်ငံတော်ကာလတွင် ဘုရားသခင်သည် အနန္တတန်ခိုးရှင် ဘုရားသခင်၏ နာမကိုခံယူကာ တဖန်ပြန်၍ ဇာတိပကတိခံယူခဲ့သည်။ ဤသည်မှာ သခင်ယေရှု၏ ရွေးနုတ်ခြင်း၊ လူသားမျိုးနွယ်၏ အပြစ်များသော သဘာဝကို ဖျောက်ဖျက်ခြင်း၊ ဘုရားသခင်အပေါ် လူသားမျိုးနွယ်မှ နာခံမှုမရှိခြင်းနှင့် ဆန့်ကျင်ခြင်းတို့ကို ရပ်စဲစေခြင်း၊ လူသားတို့ ဘုရားသခင်ကို အမှန်စင်စစ် လိုက်နာကာ ကိုးကွယ်ခြင်းနှင့် အဆုံးတွင် သာယာလှပသော ခရီးလမ်းဆုံးသို့ ရောက်ရှိစေခြင်းစသည့် သခင်ယေရှု၏အမှုကို အခြေခံလျှက် ကယ်တင်ခြင်းနှင့် သန့်စင်ခြင်းတို့အတွက် သမ္မာတရားခပ်သိမ်းကို ထုတ်ဖော် ပြောဆိုရန် ဖြစ်သည်။ ပညတ်တော်ကာလ၊ ကျေးဇူးတော်ကာလနှင့် နိုင်ငံတော်ကာလတို့တွင် ဆောင်ရွက်ခဲ့သော ဘုရားသခင်၏အမှုတို့သည် ကွဲပြား၍ ခံယူခဲ့သော နာမတော်များနှင့် ဖော်ပြခဲ့သော စိတ်နေသဘောထားတို့ ကွဲပြားသော်လည်း သူ၏အမှု၏ အနှစ်သာရနှင့် ရည်မှန်းချက်တို့မှာ အတူတူပင်ဖြစ်သည်။ ၎င်းတို့အားလုံးမှာ လူသားကို ကယ်တင်ရန်ဖြစ်ကာ အမှုအားလုံးကို ဘုရားသခင်ကိုယ်တိုင်က ဆောင်ရွက်ခြင်းပင်ဖြစ်သည်။ အနန္တတန်ခိုးရှင် ဘုရားသခင် ပြောကြားသည့်အတိုင်း “ယေဟောဝါ၏ အလုပ်မှစ၍ ယေရှု၏ အလုပ်တိုင်အောင်နှင့် ယေရှု၏ အလုပ်မှစ၍ ယခုလက်ရှိအဆင့်ထိ၊ ဤအဆင့်သုံးဆင့်သည် ဘုရားသခင် စီမံခန့်ခွဲမှု အစမှအဆုံးကို အဆက်မပြတ် အကျုံးဝင်စေသည်။ ယင်းတို့အားလုံးသည် ဝိညာဉ်တော် တစ်ပါးတည်း၏ လုပ်ဆောင်မှုပင်ဖြစ်သည်။ ကမ္ဘာကြီးကို စတင်ဖန်ဆင်းကတည်းက၊ ဘုရားသခင်သည် လူသားကို စီမံခန့်ခွဲလျက် ရှိနေသည်။ သူသည် အစနှင့် အဆုံးဖြစ်သည်၊ သူသည် အဦးဆုံးသော သူနှင့် နောက်ဆုံးသောသူလည်း ဖြစ်သည့်အပြင်၊ သူသည် ခေတ်တစ်ခုကို အစပြုခဲ့သူဖြစ်ပြီး၊ ခေတ်ကို အဆုံးသတ်သူလည်း ဖြစ်သည်။ မတူညီသည့် ခေတ်များနှင့် မတူညီသည့် နေရာများမှ အလုပ်အဆင့် သုံးဆင့်သည် ဝိညာဉ်တော် တစ်ပါးတည်း၏ အလုပ်ဖြစ်သည်မှာ မှားယွင်းဖွယ်မရှိပေ။ ဤအဆင့်သုံးဆင့်ကို ခွဲခြားသူအပေါင်းတို့သည် ဘုရားသခင်ကို ဆန့်ကျင်ရန် ရပ်တည်သူများပင်ဖြစ်သည်။”“ဘုရားသခင် အလုပ်၏ ရူပါရုံ (၃)”နှုတ်ကပတ်တော်သည် လူ့ဇာတိ၌ ပေါ်လာ၏ မှ။

နှစ်ပေါင်းထောင်ပေါင်းများစွာ လူအနည်းငယ်သာလျှင် သခင်ယေရှုခရစ်သည် ဘုရားသခင်ကိုယ်တိုင်ဖြစ်ကြောင်း၊ သူသည် ဘုရားသခင်၏ ရုပ်သွင်ဖြစ်ကြောင်းနှင့် သခင် ယေရှုသည် လူ့ဇာတိပကတိခံယူသော ယေဟောဝါဖြစ်ကြောင်း အမှန်စင်စစ်သိကြ၏။ အမှန်မှာ ဤသည်ကို ကျမ်းစာမှ ရှေးမဆွကပင် ရှင်းလင်းစွာ ဟောကြားခဲ့ပြီးဖြစ်သည်။ ဟေရှာယကျမ်းတွင် ပြောထားသည်မှာ “ထာဝရဘုရားသည် သူ့ကိုနှိပ်စက်ခြင်းငှာ အလိုတော်ရှိ၍ နာစေတော်မူ၏။ သူသည် အပြစ်ဖြေသောယဇ်ကို ပူဇော်ပြီးမှ၊ အမျိုးအနွယ်တော်ကို မြင်ရလိမ့်မည်။ (သို့မဟုတ် – သူသည် မိမိကိုယ်ကိုယ် အပြစ်ဖြေသော ယဇ်အဖြစ် ပူဇော်ပြီးမှ)” (ဟေရှာယ ၅၃:၁၀)။ သခင်ယေရှုသည် အပြစ်ဖြေသော ယဇ်ဖြစ်ရန်မှာ ယေဟောဝါသည် မိမိကိုယ်ကိုယ် အပြစ်ဖြေသောယဇ်အဖြစ် ပူဇော်ခဲ့ပြီး သခင်ယေရှုသည် ယေဟောဝါဖြစ်ခဲ့သည်ဟု ဆိုလိုကြောင်း ဤကျမ်းပိုဒ်တွင် တွေ့နိုင်၏။ သခင်ယေရှုက “ငါ့ကိုမြင်သောသူသည် ခမည်းတော်ကိုမြင်၏။” (ယောဟန် ၁၄:၉)။ “ခမည်းတော်သည် ငါ၌ရှိတော်မူသည်ကို၎င်း၊ ငါသည်ခမည်းတော်၌ ရှိသည်ကို၎င်း” (ယောဟန် ၁၀:၃၈)။ “ငါသည် ငါ့ခမည်းတော်နှင့် တလုံးတဝတည်းဖြစ်သည်” (ယောဟန် ၁၀:၃၀) ဟုလည်းပြောခဲ့၏။ သခင်ယေရှုက “ငါသည် ငါ့ခမည်းတော်နှင့် တလုံးတဝတည်း ဖြစ်သည်” ဟုပြောသောအခါ သူသည် သူနှင့် ယေဟောဝါတို့ ဝိညာဉ်တစ်ပါးတည်းဟု ပြောနေခြင်း ဖြစ်သည်။ သခင်ယေရှုပြောသည့် နှုတ်ကပတ်တော်များနှင့် ယေဟာဝါပြောသည့် နှုတ်ကပတ်တော်များမှာ အတူတူပင် ဖြစ်သည် – နှစ်ခုစလုံးသည် သမ္မာတရားဖြစ်၍ ဝိညာဉ် တစ်ပါးတည်း၏ ပြောဆိုချက်များဖြစ်ကာ တစ်နေရာတည်းမှ လာခြင်းဖြစ်၏။ ဆိုလိုသည်မှာ သခင်ယေရှုနှင့် ယေဟောဝါတို့သည့် တစ်ဆူတည်းသော ဘုရားသခင်ဖြစ်ကြ၏။ အလားတူပင် နောက်ဆုံးသော ကာလ၏ အနန္တတန်ခိုးရှင် ဘုရားသခင်မှ ဖော်ပြခဲ့သော နှုတ်ကပတ်တော်များနှင့် သခင်ယေရှု၏ နှုတ်ကပတ်တော်များသည် အတူတူပင်ဖြစ်၏။ ၎င်းတို့သည် သန့်ရှင်းသော ဝိညာဉ်တော်၏ မြွက်ဆိုချက်များဖြစ်ကာ သမ္မာတရားများဖြစ်၍ ဘုရားသခင်၏ အသံဖြစ်၏။ သခင်ဘုရားကို ယုံကြည်သူ ခပ်သိမ်းသည် ကျမ်းစာရှိ ပို၍ များပြားသော ရှေးမဆွက ကြိုတင်ဟောကြားချက်များမှာ သခင်ဘုရား တဖန်ပြန်ကြွလာမည့် အကြောင်းနှင့် နောက်ဆုံးသောကာလ ဘုရားသခင်၏ စီရင်ခြင်း အမှုနှင့်သက်ဆိုင်ကြောင်းကို သိကြ၏။ သခင်ယေရှု ဟောကြားသည့်အတိုင်း “ငါသည်သွား၍ သင်တို့နေစရာအရပ်ကို ပြင်ဆင်ပြီးမှ တဖန်လာပြန်၍၊ ငါရှိရာအရပ်ကို သင်တို့ရှိစေခြင်းငှာ သင်တို့ကို ငါ့ထံသို့ သိမ်းဆည်းမည်။” (ယောဟန် ၁၄:၃). “ငါသည် အလျင်အမြန်လာမည်။” (ဗျာဒိတ်ကျမ်း ၂၂:၁၂)။ “ထိုအခါ လူသားသည် ကြီးစွာသောဘုန်းတန်ခိုးအာနုဘော်ကို ဆောင်လျက်၊ မိုဃ်းတိမ်ကို စီးလျက် ကြွလာသည်ကို မြင်ရကြလိမ့်မည်။” (ရှင်လုကာ ၂၁:၂၇)။ “အသံတော်ကား၊ သူခိုးကဲ့သို့ ငါလာ၏။” (ဗျာဒိတ်ကျမ်း ၁၆:၁၆)။ “ငါ့ကိုပယ်၍ငါ့စကားကို နာမခံသောသူအား အပြစ်စီရင်သောသူ ရှိသေး၏။ ငါဟောပြောသော စကားပင် နောက်ဆုံးသောနေ့၌ ထိုသူအား အပြစ်စီရင်လိမ့်မည်။” (ရှင်ယောဟန် ၁၂:၄၈) ပေတရု သြဝါဒစာ ပထမစောင်တွင်လည်း ပြောထားသည်မှာ “ဘုရားသခင်၏ အိမ်တော်သားတို့ကို ရှေးဦးစွာစစ်ကြောစီရင်ရသော အချိန်ရှိပြီ။” (၁ ပေ ၄:၁၇)။ ဤကျမ်းများတွင် သခင်ယေရှုသည် နောက်ဆုံးသောကာလတွင် တဖန်ပြန်ကြွလာ၍ နှုတ်ကပတ်တော်များကို ဖော်ပြကာ စီရင်ခြင်းအမှုကို ဆောင်ရွက်မည်ဖြစ်ကြောင်း ရှင်းလင်းစွာ ပြောကြားထားခဲ့သည်။ အနန္တတန်ခိုးရှင် ဘုရားသခင်သည် နောက်ဆုံးသောကာလတွင် ကြွရောက်လာသည့်အခါ သူသည် သခင်ယေရှု၏ ရွေးနုတ်ခြင်းအမှုကို အခြေခံ၍ ဘုရားသခင်၏အိမ်မှ စတင်လျှက် စီရင်ခြင်းအမှုကို ဆောင်ရွက်ကာ လူသားမျိုးနွယ်၏ သန့်စင်ခြင်းနှင့် ကယ်တင်ခြင်းအတွက် သမ္မာတရားခပ်သိမ်းကို ဖော်ပြ၏။ အနန္တတန်ခိုးရှင် ဘုရားသခင်၏အမှုနှင့် သခင်ယေရှု၏ အမှုတို့သည် ကွဲပြားသော်လည်း ၎င်းတို့၏ အရင်းခံမှာ အတူတူပင်ဖြစ်သည် – တစ်ဆူတည်းသော ဘုရားသခင်ပင် ဖြစ်၏။ ဤသည်မှာ သခင်ယေရှု ရှေးမဆွက ကြိုတင် ဟောကြားချက်ကို လုံးဝပြည့်စုံစေခြင်းဖြစ်သည် – “သင်တို့အား ငါပြောစရာ စကားအများ ရှိသော်လည်း၊ သင်တို့သည် ယခုမခံနိုင်ကြ။ သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။ ထိုဝိညာဉ်တော်သည် ကိုယ်အလိုအလျောက်ဟောပြောမည် မဟုတ်။ ကြားသမျှတို့ကို ဟောပြောလိမ့်မည်။ နောင်လာလတံ့သောအရာကိုလည်း သင်တို့အား ဘော်ပြလိမ့်မည်။” (ရှင်ယောဟန် ၁၆:၁၂-၁၃)။ လူ့ဇာတိခံယူသော နောက်ဆုံးသောကာလ၏ အနန္တတန်ခိုးရှင် ဘုရားသခင်သည် သမ္မာတရား၏ ဝိညာဉ်၏ ရုပ်လုံးဖော်ချက်ပင်ဖြစ်သည်။ အနန္တတန်ခိုးရှင် ဘုရားသခင်သည် တဖန်ပြန်၍ကြွလာသည့် သခင်ယေရှုပင်ဖြစ်သည်။

အကြံပြုဧဝံဂေလိတရားရုပ်ရှင်

Myanmar Christian Movie တရုတ်ပြည်မှ ဘာသာရေးဖိစီးနှိပ်စက်မှု ၅ (ကျရှုံးလုဆဲဆဲမှာ ပြန်လည်ရှင်သန်ခြင်း)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s