ဇာတ်လမ်းတို (၂) သမ္မာကျမ်းစာထဲက ရှိရှိသမျှဟာ ဘုရားသခင်ရဲ့နှုတ်ကပတ်တော်ပဲလား

သခင်ကိုယုံကြည်တဲ့အခြားဘာသာရေးသမားတွေလို၊ အကြီးအကဲလီဟာ ”သမ္မာကျမ်းစာထဲရှိရှိသမျှသည် ဘုရားသခင်မှုတ်သွင်းတော်မူတယ်၊” “သမ္မာကျမ်းစာသည်ဘုရားသခင်၏ နှုတ်ကပတ်တော်ဖြစ်သည်၊” “သမ္မာကျမ်းစာသည် ဘုရားသခင်ကိုကိုယ်စားပြုသည်” လို့အမြဲတွေးထင်နေခဲ့ပါတယ်။ ဒီအတွေးအခေါ်တွေဟာ ဟိုးအရင်ကတည်းက သူ့ယုံကြည်ခြင်းအရင်းအမြစ်ဖြစ်နေခဲ့ပါတယ်။ ဒီစကားတွေဟာ သူ့နှလုံးသားထဲမှာ အမြစ်တွယ်နေခဲ့ပြီး သမ္မာတရားကိုလေ့လာဖို့အတားအဆီးနဲ့ သမ္မာတရားလမ်းကိုလက်ခံဖို့အဟန့်အတား နှစ်မျိုးလုံးဖြစ်နေခဲ့ပါတယ်။ အနန္တတန်ခိုးရှင် ဘုရားသခင် အသင်းတော်ရဲ့ တရားဟောဆရာတွေက စိတ်ရှည်လက်ရှည်နဲ့ အကြီးအကဲလီကို ဘုရားသခင်ရဲ့ နှုတ်ကပတ်တော်နဲ့ သမ္မာတရားအကြောင်းတွေကို မိတ်သဟာရဖွဲ့ပေးခဲ့တဲ့အတွက် နောက်ဆုံးတော့ သမ္မာကျမ်းစာတစ်အုပ်လုံးသည် ဘုရားသခင်မှုတ်သွင်းတော်မူတာမဟုတ်ဘူး၊ ဘုရားသခင်ရဲ့နှုတ်ကပတ်တော်တွေနဲ့ လူတွေရဲ့စကားတွေပါ ပါနေတယ်လို့သူနားလည်ခဲ့ရတယ်။ အကြီးအကဲလီဟာ အခုတော့ ဒီဘာသာရေးအတွေးအခေါ်တွေရဲ့ ခြေချင်းတွေ၊ ချုပ်နှောင်မှုတွေကနေ လွတ်မြောက်ခဲ့ပါပြီ

အကြံပြုစာမျာ:

Myanmar Gospel Movie (နားခိုရာအိမ် ဘယ်မှာလဲ ) God Gave Me a Happy Family

ဘုရားသခင်၏ စကားတော် | ယေရှုကို ပေတရု သိလာသည့်အကြောင်း

ခရစ်တော်, ဘုရားသခင်ကို သိခြင်း, ယုံကြည်ခြင်း, ယေရှု, သမ္မာတရား

ယေရှုနှင့် ကုန်ခဲ့သည့် အချိန်အတောအတွင်း ပေတရုက ယေရှုထံတွင် နှစ်လိုဖွယ်ကောင်းပြီး ထူးခြားသည့် လက္ခဏာများစွာ၊ အတုယူဖွယ်ကောင်းသည့် သွင်ပြင်များစွာနှင့် သူ့အား အထောက်အပံ့ဖြစ်စေသည့် အရာများစွာကို မြင်တွေ့ခဲ့ရသည်။ ပေတရုအနေနှင့် ယေရှုသည် ဘုရားသခင်ဖြစ်ကြောင်းကို နည်းအမျိုးမျိုးဖြင့် မြင်တွေ့ခဲ့ပြီး နှစ်လိုဖွယ် အရည်အချင်းများစွာကို မြင်တွေ့ခဲ့ရသော်လည်း ပထမတွင် ယေရှုကို မသိခဲ့ပေ။ ပေတရုသည် ယေရှု၏နောက်တော်ကို အသက် ၂၀ အရွယ်တွင် စတင်လိုက်ခဲ့ခြင်းဖြစ်ပြီး ၆ နှစ်ကြာအောင် လိုက်ခဲ့သည်။ ထိုအချိန်က ယေရှုကို မည်သို့မျှ သူသိမလာခဲ့ပေ၊ သို့သော်လည်း သူသည် ယေရှုကို ကြည်ညိုချစ်ခင်စိတ် တစ်ခုနှင့်သာ လိုက်နေခဲ့ခြင်းဖြစ်သည်။ ယေရှုသည် သူ့ကို ဂါလိလဲပင်လယ်ကမ်းခြေမှ ပထမအကြိမ်ခေါ်ခဲ့စဉ်က “ယောန၏သား ရှိမုန်၊ သင်ငါ့နောက်သို့ လိုက်မည်လော။” ဟုယေရှုက မေးသောအခါ ပေတရုက “ကောင်းကင်ဘုံအဖ စေလွှတ်သည့်သူနောက်ကို ကျွန်ုပ်လိုက်ရမည်။ သန့်ရှင်းသောဝိညာဉ်တော် ရွေးချယ်သည့်သူကို ကျွန်ုပ်ဝန်ခံရမည်။ ကိုယ်တော့်နောက်ကို ကျွန်ုပ်လိုက်မည်။” ဟု ပြန်ဖြေခဲ့သည်။ ထိုအချိန်က ယေရှုဟုခေါ်သည့် လူတစ်ဦးအကြောင်း ပြောဆိုနေကြခြင်းကို ကြားဖူးပြီး သူသည် ပရောဖက်တကာတို့ထဲ၌ အကြီးမြတ်ဆုံး ဘုရားသခင်၏ ချစ်လှစွာသော သားတော်ဖြစ်ကာ ထိုသူကို ပေတရု ရှာဖွေရန် မျှော်လင့်နေခြင်းဖြစ်သကဲ့သို့ ဆုံတွေ့ရန် အခွင့်အရေးကိုလည်း မျှော်လင့်နေခဲ့သည်။ (အကြောင်းမှာ ဤသည်မှာ သန့်ရှင်းသောဝိညာဉ်တော်က သူ့ကိုခေါ်ဆောင်ပုံဖြစ်ပေသည်။) ပေတရုသည် ကိုယ်တော့်ကို တစ်ခါမျှ မမြင်ဖူးဘဲ ကိုယ်တော့်အကြောင်း ကောလဟာလများကိုသာ ကြားဖူးနေပါသော်လည်း သူ့နှလုံးသားထဲတွင်မူ ယေရှုကို မြတ်နိုးခြင်းနှင့် တမ်းတခြင်းများသည် ကြီးထွားလာနေခဲ့ကာ ယေရှုကို တစ်နေ့တွင် တွေ့ရဖို့ သူတမ်းတနေခဲ့ခြင်းဖြစ်သည်။ ယေရှုက ပေတရုကို မည်သို့ခေါ်ခဲ့သနည်း။ ကိုယ်တော်ကလည်း ပေတရုဆိုသည့် လူတစ်ယောက်အကြောင်း ကြားဖူးနေခဲ့ပြီး “ဂါလိလဲပင်လယ်ကိုသွားပါ၊ ထိုနေရာ၌ ယောန၏သား ရှိမုန်ဆိုသည့် လူတစ်ယောက်ရှိသည်။” ဆိုပြီး သန့်ရှင်းသောဝိညာဉ်တော်က သူ့ကို လမ်းညွန်ခဲ့၍ မဟုတ်ခဲ့ပေ။ ယေရှုက ယောန၏သား ရှိမုန်ဆိုသူအကြောင်းနှင့် သူသည်လည်း ကောင်းကင်နိုင်ငံတော်အကြောင်း ဟောကြားနေသည့်သူဖြစ်ကာ သူ့ဟောကြားချက်ကို ကြားရသူတိုင်း မျက်ရည်ကျခဲ့ကြရသည်ဆိုသည့် သူ၏တရားတော်ကို ကြားနာဖူးခဲ့သူတို့အကြောင်းကို တစ်စုံတစ်ယောက် ပြောခြင်းကို ကြားဖူးခြင်းဖြစ်သည်။ ၎င်းတို့ကို ကြားရပြီးနောက် ယေရှုသည် ထိုလူနောက်လိုက်ပြီး ဂါလိလဲရေအိုင်သို့ သွားခဲ့ခြင်းဖြစ်ပြီး ယေရှုခေါ်တော်မူခြင်းကို ပေတရုလက်ခံပြီးသည့်နောက်တွင် သူသည် ယေရှုနောက်ကို လိုက်ခဲ့သည်။Read More »